Notr-Dam cherkoviga kirish pulli bo‘ladi

Fransiya madaniyat vaziri Notr-Dam cherkoviga kirish uchun pul undirishni taklif qildi. Bu haqda boshqarma boshlig‘i Rashida Dati Le Figaro gazetasiga bergan intervyusida ma’lum qildi.

“Turistlar Yevropaning barcha mashhur diniy yodgorliklariga pullik asosda kiradilar. Men Parij arxiyepiskopiga turistik sayohatlar uchun ramziy to‘lov tayinlashni taklif qildim. Bu bizga yiliga 75 million yevroga yaqin daromad keltirish va bu mablag‘larni mamlakat diniy merosini asrab-avaylash uchun ishlatish imkonini beradi”, – dedi u.

Cherkov besh yillik restavrasiya ishlaridan so‘ng 8 dekabr kuni qayta ochiladi. 2019 yil aprel oyida cherkovda yong‘in sodir bo‘ldi.

Vazir, shuningdek, Fransiya fuqarolari va Yevropa Ittifoqidan tashqari mamlakatlardan kelgan sayyohlar uchun Fransiya muzeylari va yodgorliklariga kirish to‘lovlarini farqlash zarurligini aytdi. Unga ko‘ra, sayyohlar ko‘proq pul to‘lashlari kerak.

“Fransiyalik mehmonning Luvrga kirishi uchun Braziliya va Xitoydan kelgan sayyohlar bilan bir xil narxda to‘lashi normal holatmi? Biz 2026 yil 1 yanvardan boshlab madaniyat muassasalarining narx siyosatini tubdan o‘zgartirishni ko‘rib chiqyapmiz”, – dedi u.

Notr-Dam sobori Parijning diqqatga sazovor joylaridan biridir. 2019 yil aprel oyida cherkovda yong‘in sodir bo‘lgan. Yong‘indan oldin yiliga 14 millionga yaqin sayyoh kelgan.

Notr-Damdagi yong‘in 2019 yil 15 aprel kuni mahalliy vaqt bilan soat 6:43 da 93 metrlik (305 fut) yog‘och va qo‘rg‘oshin tagida boshlangan. Olov tezda soborning la foret (o‘rmon) deb nomlanuvchi yuzlab eman to‘sinlaridan iborat to‘siqli shiftiga tarqaldi.

Eslatib o‘tamiz, Notr-Dam cherkovi yong‘indan jiddiy zarar ko‘rgan. Yog‘och tom va shpil butunlay yonib ketgan, sobor devorining bir qismi va bir qator ustunlar vayron qilingan.

Ayni paytda Fransiya prezidenti Emmanuel Makron besh yil ichida tarixiy binoni ta’mirlashni topshirdi. Biroq, ko‘plab mutaxassislar bu mumkin emasligini ta’kidladilar. Notr-Dam rahbari Patrik Shovenning so‘zlariga ko‘ra, cherkovni to‘liq tiklash uchun 15-20 yil kerak bo‘ladi.