Mirziyoyev Toqayev bilan Qoraqalpog‘istondagi mojarolar bo‘yicha suhbatlashdi
Davlatimiz rahbari Shavkat Mirziyoyev Qozog‘iston Prezidenti Qosim-Jomart Toqayev bilan telefon orqali suhbatlashdi. Suhbatdoshlar ikki tomonlama va mintaqaviy kun tartibidagi masalalarni muhokama qildilar.
Qosim-Jomart Toqayev O‘zbekiston rahbariyatining Qoraqalpog‘istonda barqarorlikni ta’minlashga qaratilgan qarorlari o‘z vaqtida qabul qilinganini ta’kidladi. Qozog‘iston Prezidenti Shavkat Mirziyoyevga Konstitusiyaga o‘zgartirishlar kiritish bo‘yicha referendum o‘tkazishda muvaffaqiyat tiladi va bu voqea qardosh O‘zbekistonda keng ko‘lamli siyosiy va ijtimoiy-iqtisodiy o‘zgarishlar dasturini amalga oshirishda muhim lahza bo‘lishini ta’kidladi.
Davlat rahbarlari Qirg‘izistonda bo‘lib o‘tadigan Markaziy Osiyo davlatlari rahbarlarining Maslahat uchrashuvi kun tartibini ham muhokama qildilar.