MIB masofaviy ishlash tizimi orqali 1,6 millionta hujjatning ijrosini ta’minladi

AOKAda o‘tkazilgan brifingda Majburiy ijro byurosi axborot xizmati rahbari Farrux Toshpo‘latov amalga oshirilgan ishlar va ijro etish sohasida ko‘rilayotgan choralar haqida ma’lumot berdi:

🔵Byuroning axborot texnologiyalari yordamida masofaviy ishlaydigan 15 ta tumanlararo bo‘limlari tomonidan majburiy ijro harakatlari o‘tkazilmasdan va fuqarolarning mol-mulklariga daxl qilmagan holda, 588,6 mlrd. so‘mlik 1,6 mln.ta hujjatlarning ijrosi ta’minlandi.

🔵Ijtimoiy ahamiyatga ega bo‘lgan “Temir daftar”, “Ayollar daftari” va “Yoshlar daftari” bilan bog‘liq jamg‘armalariga 798 mlrd. so‘m yoki o‘tgan mos davrga nisbatan 121 mlrd. so‘m ko‘p mablag‘ yo‘naltirildi.

🔵Moddiy yordamga muhtoj farzandlar foydasiga jami 1,4 trln. so‘m aliment pullari undirilgan.

🔵“Aliment to‘lovlari” jamg‘armasi hisobidan 1.492 nafar undiruvchilar foydasiga voyaga yetmagan farzandlarining moddiy ta’minoti uchun 31,3 mlrd. so‘m mablag‘lar to‘lab berildi.

🔵Ishsiz aliment to‘lovchilarning 19 ming 638 nafari ishga joylashtirildi, 10 mingdan ortiq oilalarning yarashtirilishiga erishildi.