Messi Maradonaga tezroq sog‘ayib ketishini tiladi

«Barselona» sardori Lionel Messi argentinalik futbol afsonasi Diyego Maradonani qo‘llab-quvvatlab, bu haqda ijtimoiy tarmoqdagi sahifasida post qoldirdi.

«Diyego, senga sog‘liq tilayman. Men va oilam tezroq sog‘ayib ketishingni istaydi. Seni chin yurakdan quchoqlab qolaman», - deya yozadi Messi «iInstagram»dagi sahifasida.

Eslatib o‘tamiz, bir necha kun avval shifoxonaga yotqizilgan 60 yoshli Maradonaning miyasiga qon quyilgani sababli 4 noyabr kuni shoshilinch operasiya qilingani, jarrohlik amaliyoti muvaffaqiyatli o‘tgani haqida xabar berilgandik.