«Mashinani sotishim uchun dadam arizani Rossiyadan qanday yuboradi?»
— Avtomashina sotmoqchiman. Xaridorning nomiga rasmiylashtirishim kerak edi. Mashinam onamning nomida. Dadam Rossiyada ishlaydi.
— Oila kodeksining 24-moddasiga binoan, nikoh davrida sotib olingan mulkka dadangizning egalik huquqi bor. Shuning uchun, dadangizdan notarial tartibda tasdiqlangan ariza olishingiz kerak. (Boshqa mamlakatda bo‘lsa ariza tegishli tartibda apostillangan bo‘lishi kerak). Keyin xohlagan notarial idoraga borib oldi-sotdi shartnomasini rasmiylashtirishingiz mumkin.
— Arizanig o‘zini yuboradimi yoki onlayn yuborsa ham bo‘ladimi?
— Dadangiz chet davlatda bo‘lsa, o‘sha davlatdagi O‘zbekiston Respublikasi Konsuli tomonidan tasdiqlangan ariza yoki notarius tomonidan tasdiqlanib, apostil qo‘yilgan, mulk sotilishiga rozilik arizasining asl nusxasini yuboradi. Agarda MDH davlatlarida bo‘lsa, notarial tasdiqlangan ariza, apostil va legalizasiya talab etilmaydi.