«Manchester Yunayted» bir shart bilan Ronalduni qo‘yib yuborishga tayyor

«Manchester Yunayted» hujumchisi Krishtianu Ronaldu faoliyatini Angliya klublarida davom ettira olmaydi. Boisi, "qizil iblislar" rahbariyati mana shunday shart bilan portugaliyalik futbolchini boshqa jamoaga sotishga tayyor.

«MYu» APLdagi raqibi tarkibini o‘z futbolchisi bilan kuchaytirishni istamayapti. Shuning uchun 37 yoshli futbolchining «Chelsi»ga o‘tish ehtimoli yuqori emas.

Eslatib o‘tamiz, Ronalduning «Yunayted» bilan shartnomasi kelasi yilning yozida yakuniga yetadi. U jamoaning bugungi mashg‘ulotida ishtirok etmadi.