Londonda yarim million davlat xizmatchisi ish haqini oshirish talabi bilan bugun ish tashlashga chiqdi

Aksiya Buyuk Britaniya moliya vaziri Jeremi Xantning parlamentdagi chiqishiga to‘g‘ri keldi. U yillik budjet hisobotini o‘qib beradi, deb yozadi Bloomberg.

Ish tashlashda ta’lim va transport sohalari xodimlari qatnashmoqchi. Shu sababli metro ishi falaj bo‘lishi mumkin. Ma’lum qilinishicha, ayrim maktablar allaqachon yopilgan va tibbiyot muassasalari cheklovlar bilan ishlamoqda.

Namoyishchilar London markazidan – Bosh vazir qarorgohi joylashgan Dauning-strit hududida va parlament binosi yonidan o‘tishni rejalashtirmoqda.