Londonda bo‘lib o‘tayotgan Butunjahon ta’lim forumida o‘zbekistonlik delegasiya ham ishtirok etmoqda

Prezident ta’lim muassasalari agentligi axborotga ko‘ra Hilola Umarova boshchiligidagi Agentlik delegasiyasi London shahrida Butunjahon ta’lim forumida ishtirok etishmoqda.

Forum doirasida ta’lim sohasidagi nufuzli xalqaro tashkilotlar rahbarlari va mutaxassislarning taqdimotlari bo‘lib o‘tadi.

Unda ta’lim sohasida pandemiyadan keyingi chora-tadbirlar, karantin sharoitining o‘qitish tizimiga ta’siri hamda ta’limni rivojlantirish bo‘yicha xalqaro hamkorlik kabi masalalar muhokama qilinadi.

Ma’lumot o‘rnida: Butunjahon ta’lim forumi an’anaviy tarzda har yili o‘tkaziladi hamda ta’lim sohasidagi dunyoning eng nufuzli tadbirlaridan biri hisoblanadi. Bu yil forumda 1000 nafarga yaqin mutaxassis ishtirok etmoqda.