Lavrov Trampning "adolatli kelishuv" haqidagi bayonotlari haqida: "Biz istalgan natijaga olib keladigan har qanday tashabbusni olqishlaymiz"
Nyu-Yorkdagi BMT Bosh Assambleyasiga tashrif buyurgan Rossiya tashqi ishlar vaziri Sergey Lavrov AQSh prezidentligiga nomzod Donald Trampning bir kun avval Ukraina prezidenti bilan uchrashuvidan keyin aytgan bayonotlariga munosabat bildirdi.
"Tramp bir vaqtlar unga urushni to‘xtatish uchun 24 soat kerak bo‘lishini aytgan edi, endi gap boshqacha. Biz esa istalgan natijaga olib keladigan har qanday tashabbusni olqishlaymiz", dedi Lavrov.
"Biz istagan natija esa faqat bitta bo‘lishi mumkin — bu muammoni Ukraina inqirozining asosiy sabablarini bartaraf etish asosida hal qilish", deya davom etdi u.
Lavrov ushbu "asosiy sabablar" haqida gapirar ekan, Rossiyaning G‘arb davlatlari Kiyevni NATOga tortayotgani haqidagi xulosalarini takrorladi va Ukrainada rusiyzabon aholi zulmga uchraganligiga urg‘u berdi.
