Kimlarga piyoz yeyish mumkin emas?

Piyoz foydasi va kimlar esa u bilan ehtiyot bo‘lishi kerakligi haqida shifokor-parhezshunos, nutrisiolog, Kanada parhezshunoslar uyushmasi a’zosi Natalya Nefedova Sputnik radiosiga bergan intervyusida tushuntirib berdi.
Uning so‘zlariga ko‘ra, piyoz tarkibida vitamin va minerallar, tolalar va ko‘plab fitomoddalar bor. Noyob kimyoviy tarkibi tufayli piyoz organizmdagi yallig‘lanish jarayonlarini oldini oladi va immunitet tizimini mustahkamlaydi. Bundan tashqari, u ayrim kasalliklarga chalingan odamlar uchun foydalidir, deb qo‘shimcha qildi parhezshunos.

"Vitamin va minerallar masalan, S va B vitaminlari borligi bilan bir qatorda, shuningdek, klechatka, ko‘plab fitomoddalar, shu jumladan antioksidant sifatida ishlaydigan flavonoidlar bor - ular organizmdagi yallig‘lanish jarayonlarini kamaytiradi, bostiradi. Bu yurak-qon tomir kasalliklari, qandli diabet, onkologiya bo‘lishi mumkin. Shuningdek, piyoz immunitetga ijobiy ta’sir ko‘rsatadi", - deydi Nefedova.
Piyoz ta’mi tuz iste’molini kamaytirishga ham yordam beradi, dedi u.
Biroq, piyozni dori kabi faqat kasal bo‘lganlar yeyishi shart, deb o‘ylamaslik kerak. Bu sabzavotni profilaktika uchun muntazam ravishda iste’mol qilish yaxshiroq bo‘ladi, deydi parhezshunos.
Ba’zi odamlarda ehtiyotlik bilan piyoz iste’mol qilishi kerak.
"Ichak sindromi, gastrit yoki zarda bezovta qilsa ehtiyot bo‘lish kerak", - dedi Nefedova.
Piyoz chirimasligi va foydali xususiyatlarini yo‘qotmasligi uchun uni salqin sharoitda saqlash kerak, deb xulosa qildi u.