Kaddafiyning samolyoti Liviyaga qaytdi

Liviyaning sobiq rahbari Muammar Kaddafiyning samolyoti sakkiz yildan ortiq vaqtdan so‘ng mamlakatga qaytarildi. Shu yillar davomida u chet elda texnik xizmatda bo‘lgan, deb yozadi Libya Observer.

Airbus layneri (A340-213) 2012 yil avgust oyidan buyon Fransiyada bo‘lib, vataniga qaytarilishidan oldin Turkiyaga jo‘natilgan va u yerda texnik xizmat ko‘rsatishning so‘nggi bosqichidan o‘tgan.

Layner 20 iyun kuni qaytarib berildi va uni Liviya Bosh vaziri Abdelhamid Dbayba va boshqa bir qator rasmiylar kutib olishdi. Bosh vazirning ta’kidlashicha, Kaddafiy ag‘darilgandan keyin Fransiya samolyotni o‘g‘irlab ketgan, buni moliyaviy va ma’muriy muammolar bilan izohlagan. Ammo, endi Liviya tomoni texnik xizmatning to‘liq miqdorini to‘ladi.

Dbayba samolyotning qaytarilishi Liviyaning suvereniteti uchun juda muhim ekanligini ta’kidladi: bu borada u yana 15 ta musodara qilingan kemani qaytarib berishga va’da berdi. Endi laynerning taqdirinimamlakat aholisi hal qilishi kerak.