Juda ko‘p miqdorda pullarni o‘zlashtirib, qidiruvda bo‘lgan shaxs qo‘lga olindi

Andijon shahrida yashovchi, 38 yoshli (erkak) A.A. fuqarolarning 44.000 AQSh dollari pullarini firibgarlik yo‘li bilan o‘zlashtirganligi uchun JKning 168-moddasi 4-qismi “a” bandida ko‘rsatilgan jinoyatni sodir etishda ayblanib, tergov va sud organlaridan yashiringanligi sababli qidiruv e’lon qilingan edi.

Axborot texnologiyalari imkoniyatidan foydalangan holda olib borilgan tezkor-qidiruv tadbirlari natijasida, qidiruvdagi A.A. Toshkent shahrida yashirinib kelayotganligi aniqlanib, qo‘lga olindi va qamoqqa olish ehtiyot chorasi qo‘llanildi.

Qonunga muvofiq, A.A. sodir etgan jinoyat uchun 8 yildan 10 yilgacha ozodlikdan mahrum qilish jazosi nazarda tutilgan.