Janubiy Koreya prezidenti Yun Sok Yol AQSh Kongressi a’zolarini “ahmoqlar” deb atadi
Daily Mail nashrining yozishicha, bu Nyu-Yorkda bo‘lib o‘tgan yettinchi Global jamg‘armani to‘ldirish bo‘yicha konferensiya doirasida Janubiy Koreya yetakchisining AQSh prezidenti bilan uchrashuvidan keyin sodir bo‘lgan.
U yerda Bayden sog‘liqni saqlash kampaniyasiga 6 mlrd $ ajratishni va’da qildi. Moliyalashtirish uchun Kongress roziligi talab qilinadi.
Yun Sok Yol va uning yordamchilari tadbirni tark etar ekan, u shunday dedi: “Agar bu ahmoqlar uni (moliyaviy hujjatni) Kongressda qabul qilmasalar, bu Bayden uchun juda hurmatsizlik bo‘ladi”. Bu so‘zlarni jurnalistlardan biri tasodifan yozib olgan.
Janubiy Koreyaning muxolif Demokratik partiyasi rahbari Pak Xong Geun voqeani “jiddiy diplomatik muvaffaqiyatsizlik” deb atadi. Oq uy bu haqda izoh bermadi.
