Italiya: Maggiore ko‘lida sayyohlik qayig‘i ag‘darilib, 4 kishi halok bo‘ldi

Italiyaning Maggiore ko‘lida qayiq ag‘darilib, cho‘kib ketgan to‘rt kishi halok bo‘ldi. Bu haqda DW nashri xabar berdi.

Favqulodda yordam ekipajlari qurbonlar va omon qolganlarni qidirib topish uchun vertolyotlar va g‘avvoslardan foydalanishdi.

Hodisa yakshanba kuni Italiya shimolidagi Lombardiya mintaqasida joylashgan mashhur ko‘lda sodir bo‘ldi.

Italiyaning ANSA axborot agentligi xabariga ko‘ra, sayyohlik qayig‘i to‘satdan bo‘ronga tushib qolganda bortda 24 nafar yo‘lovchi va ekipaj a’zolari bo‘lgan.