Ispaniya termasi Eron terma jamoasini 1: 0 hisobda mag‘lub etdi…
Yagona golni raqiblar darvozasiga 54-daqiqada Ispaniya termasi hujumchisi Diyego Kosta kiritdi.
Ispaniya hujumchisi jarima maydonida himoyachini aldab o‘tib, to‘pni darvozaning chap burchagiga yo‘lladi va nihoyat ispaniyaliklar kutgan voqea sodir bo‘ldi.
Birinchi guruh matchlari natijasiga ko‘ra, Marokash ustidan g‘alaba qozongan Eron terma jamoasi hisobida ochkolar soni ispaniyaliklarga nisbatan bittaga ko‘p. Bunga Ispaniya termasi Portugaliya terma jamoasi bilan o‘tgan matchda durang natija qayd etgani sabab bo‘lgan.
Eron — Ispaniya — 0: 1
Gol: Diyego Kosta (54).
Jamoalar tarkibi:
Eron: Beiranvand, Rezoyan, Puraliganji, Husayiniy, Xo‘jasofiy, Izzatillohiy, Ibrohimiy, Taromiy, Amiriy, Ansarifard, Azmun.
Ispaniya: de Xea, Karvaxal, Pike, Ramos, Alba, Vaskes, Buskets, Inyesta, Silva, Isko, Diyego Kosta.
Bosh hakam: Andres Kunya (Urugvay)
O‘yin o‘tgan joy va vaqt: 20 iyun. Qozon. «Qozon-Arena».
