Indoneziya Janubiy Koreyaning beshinchi avlod qiruvchi samolyotlari loyihasidan chiqarilishi mumkin

 Indoneziya Janubiy Koreyaning beshinchi avlod qiruvchi samolyotlari loyihasidan chiqarilishi mumkin

Janubiy Koreyaning mudofaa xaridlari dasturi ma’muriyati rahbari Sok Chengun Indoneziyani KAI (Korea Aerospace Industries) bilan beshinchi avlod qiruvchi KF-21 qo‘shma dasturidan chiqarib tashlash imkoniyatini ko‘tardi.

Hammasi Janubiy Koreya indoneziyalik muhandislarni qiruvchi samolyotning eng muhim maxfiy texnologik ma’lumotlarini o‘g‘irlaganlikda gumon qilganidan boshlandi. Shundan so‘ng muhandislar hibsga olingan, tergov harakatlari olib borilmoqda. Bu voqea Seul va Jakarta munosabatlariga salbiy ta’sir ko‘rsatdi.

«Agar tekshiruv natijalari texnologiyaning sezilarli darajada sizib chiqishini ko‘rsatsa, biz birgalikda rivojlanish sohasidagi hamkorlikni qayta ko‘rib chiqamiz», dedi Sok.

💻 Janubiy Koreyada ishlaydigan indoneziyalik muhandislar tomonidan sodir etilgan ma’lumotlar o‘g‘irlanishi birinchi marta 2024 yil yanvarida fosh etilgan. Voqea Janubiy Koreya kontrrazvedkasi tomonidan tekshirilmoqda.

Sok o‘z bayonotida ikki sherik o‘rtasidagi yana bir muammoga ham to‘xtalib o‘tdi: Indoneziyadan kechiktirilgan to‘lovlar.

«Indoneziya bilan hamkorlikda ishlab chiqish doirasida biz texnologiyaning bir qismini uzatish va ularning hissasi evaziga prototiplarni taqdim etish majburiyatini oldik, biroq Indoneziya qiyin moliyaviy ahvolda. Ular bor-yo‘g‘i 435 million dollar to‘lab, kamroq oladi», — dedi u.

✍️ Eslatib o‘tamiz, Indoneziya Janubiy Koreyaning beshinchi avlod KF-X qiruvchi samolyotini ishlab chiqish loyihasiga 2010 yilda qo‘shilgan va Indoneziyada IFX deb nomlangan 48 ta KF-21 sotib olish majburiyatini olgan edi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!