“Hududiy elektr tarmoqlari” AJ: 27 yanvardan qarzdorlarigi mavjud iste’molchilar avtomatik tarzda tarmoqdan uziladi

“Hududiy elektr tarmoqlari” AJ joriy yilning 27 yanvar kunidan boshlab ASKUEni qayta ishga tushiradi. Qarzdorlarigi mavjud iste’molchilar avtomatik tarzda tarmoqdan uziladi.

"Mazkur tizimning qayta ishga tushirilishi natijasida qarzdorlik tufayli xonadoningizda elektr energiyasi ta’minotida uzilishlar bo‘lishini oldini olish maqsadida foydalanilgan elektr energiyasi uchun mamlakatimizda mavjud to‘lov tizimlari (Click, Payme, Paynet) hamda banklarning mobil ilovalari orqali uydan chiqmasdan turib to‘lovlarni amalga oshirish imkoniyati mavjudligini yana bir bor eslatib o‘tamiz", deyiladi xabarda.