Germaniyaning sobiq kanslerini nafaqadan mahrum qilish taklif qilinmoqda
Xristian-demokratik ittifoq Germaniya sobiq kansleri Gerxard Shryoderni Rossiya bilan aloqalari tufayli davlat xizmatchilarining pensiyalaridan mahrum qilishni taklif qildi. Bu haqda Frankfurter Allgemeine Zeitung nashri xabar bermoqda.
«Hukmron koalisiya Shryoderga qarshi chora ko‘rishda uni davlat xizmatchilarining pensiya oluvchilar ro‘yxatidan chiqarib tashlashni taklif qilayotgan Xristian-Demokratik Ittifoqi kabi ishni amalga oshira olmaydi», — deyiladi maqolada.
Bunga asos sifatida Shryoderning Rossiya prezidenti Vladimir Putin bilan aloqalari va uning Rossiya energetika kompaniyalaridagi faoliyati esga olinadi.
Shu bilan birga, Germaniya Sosial-demokratik partiyasi deputati Kati Mastning so‘zlariga ko‘ra, bunday choraning amalga oshirilishi «juda shubhali» ko‘rinadi, chunki gap «mulk huquqlari» haqida ketmoqda.
O‘tgan yili Shryoderning ofis xodimlari va sayohat xarajatlari 419 000 yevro atrofida bo‘lgan. Kansleriya tomonidan moliyalashtirilgan idorada yaqin davrgacha to‘rt nafar xodim ishlagan edi. Ular bir necha hafta oldin ishdan bo‘shagan va boshqa joyga o‘tkazishni so‘rashgan.
Rossiyaning Ukrainaga harbiy harakatlari boshlanganidan so‘ng, Shryoder Putindan uzoqlashmagani, Rossiya gaz va neft kompaniyalari kuzatuv kengashlaridagi lavozimlaridan iste’foga chiqmagani uchun qattiq tanqid qilindi. Ayni paytda, Shryoderni SDPdan chiqarib yuborish bo‘yicha bir qancha tartib-qoidalar olib borilmoqda. Partiya elitasining o‘zi chiqarib yuborish uchun hech qanday chora ko‘rmadi. SDP raisi Saskiya Esken Shryoderning o‘zi partiyadan ketishini talab qildi. Partiyaning ichki ishlar shtat kotibi Nensi Fezer Shryoderni partiyadan chiqarib yuborishni talab qilgan. “Shryoder Putin bilan yaqin aloqada bo‘lishiga qaramay, SDPda qolishi mumkinmi”, degan savolga u: «Chiqarib tashlash kerak!», deb javob bergan.
Avvalroq, Adliya vaziri o‘rinbosari, Polsha parlamenti a’zosi Sebastyan Kaleta Evropa Ittifoqiga Shryoderning Rossiya bilan aloqalari tufayli unga qarshi sanksiyalar joriy etishni taklif qilgan edi.
