Farg‘onada benzovoz yonib ketdi

Kecha, 20 sentyabr kuni Farg‘ona shahrida yoqilg‘i tashuvchi yuk mashinasi yonib ketdi. Holat yuzasidan viloyat Favqulodda vaziyatlar boshqarmasi axborot xizmati rasmiy munosabat bildirdi.

Qayd etilishicha, soat 15:24 da Farg‘ona shahar Yormazor “MFY” Al-Farg‘oniy ko‘chasida harakatlanib ketayotgan GAZ-53 rusumli benzovozning mator qismidgi kabellarning qisqa tutashuvi natijasida yong‘in sodir bo‘lgan.

Voqea joyiga yong‘in-qutqaruvchilar guruhi soat 15:28 da yetib borib, 15:29 da olov qurshab olingan va 15:31 da o‘chirilgan.

Hodisa oqibatida hech kim tan jarohati olmagan, avtomobilning mator qismi yonib zararlangan.