Evropa Ukrainaga yana 9 milliard yevro va’da qilmoqda

Evropa Ittifoqi Ukrainaga qo‘shimcha 9 milliard yevro yordam ajratadi. Shuningdek ittifoq urushdan keyingi rekonstruksiya va islohotlar bo‘yicha keng ko‘lamli reja uchun ittifoqchilarni to‘plamoqda, dedi Yevrokomissiya rahbari Ursula fon der Lyayen.

"Ukraina hozir oldinda, u Yevropa qadriyatlarini himoya qilmoqda. Biz ukrainaliklarni urush davomida va urushdan so‘ng mamlakatni tiklashida qo‘llab-quvvatlashda davom etamiz", dedi u.

Fon der Lyayen vayron qilingan narsalarni tiklash uchun qancha mablag‘ sarflanishi mumkinligiga aniqlik kiritmadi. U Yevropa Ittifoqi buni yolg‘iz qilmoqchi emasligini, unga ittifoqchilar kerakligini qayd etdi.