Evropa komissiyasi Rossiyaga qarshi to‘qqizinchi sanksiyalar paketini e’lon qildi
Bu haqda boshqarma boshlig‘i Ursula fon der Lyayen ma’lum qildi.
«Biz Ukrainani qo‘llab-quvvatlaymiz va Rossiyani uning shafqatsizligi uchun to‘lashga majbur qilamiz. Mavjud sakkizta sanksiyalar paketi allaqachon katta zarar keltirmoqda», deb yozdi u tvitterda.
Fon der Lyayenning so‘zlariga ko‘ra, yangi paket quyidagi choralarni o‘z ichiga oladi:
📍Rossiyaning 200 ga yaqin fuqarolari va kompaniyalari sanksiyalar ro‘yxatiga kiritiladi. Bular Rossiya qurolli kuchlari, harbiylar, Davlat Dumasi a’zolari va hukumat xodimlari bilan bog‘liq kompaniyalar bo‘ladi.
📍Rossiyaning uchta bankiga, jumladan, Rossiya mintaqaviy taraqqiyot bankiga nisbatan sanksiyalar qo‘llaniladi.
📍Rossiyaning bir necha toifadagi tovarlari, xususan, ikki maqsadli tovarlar va elektronika eksportiga cheklovlar.
📍Rossiyaga uchuvchisiz uchish apparatlarini ishlab chiqarish uchun ehtiyot qismlar eksportini, shuningdek ularni Rossiyaga jo‘natishi mumkin bo‘lgan uchinchi davlatlarga eksport qilishni cheklash.
📍Rossiyaning to‘rtta kanalini ko‘rsatishga cheklovlar.