Evro-2024 musobaqasida jamoalar qancha ishlab topishi mumkin?

Evropa chempionati 14 iyun sanasidan boshlanadi. Musobaqada terma jamoalar qancha miqdorda pul mukofotini qo‘lga kiritishi mumkinligi haqida ma’lumot berildi.

UYEFA Ijroiya qo‘mitasining tasdiqlangan ma’lumotlariga ko‘ra, federasiyalarni rag‘batlantirish uchun to‘lovlar miqdori 24 ta jamoa uchun 331 million yevroni tashkil qiladi.

Bu miqdor quyidagicha taqsimlanadi:

Har bir jamoaning ishtiroki uchun bonus: 9,25 million yevro;

Guruh bosqichidagi g‘alaba uchun — 1 million yevro, durang uchun — 500 ming;

1/8 final — 16 ta jamoaning har biri uchun 1,5 million yevro;

1/4 final — 8 ta jamoa uchun 2,5 mln yevro;

Yarim final — 4 million: ushbu bosqichga yetib kelgan har bir ishtirokchi uchun bir milliondan;

Evro — 2024 chempioni uchun 8 million yevro, finalda yutqazgan jamoa uchun 5 million yevro miqdorida mukofot pullarini qo‘lga kiritadi.

Shunday qilib, Yevro—2024 musobaqasining eng yaxshi jamoasi 23 million yevro daromad olishi mumkin. Albatta, buning uchun jamoa guruh bosqichidagi barcha uchrashuvda g‘alaba qozonishi talab etiladi. Guruh bosqichida birorta g‘alabaga erishmagan jamoa uyiga sal kam 10 million yevro bilan qaytadi.

Ma’lumot uchun Yevro—2024 turniri 14 iyundan 14 iyulga qadar davom etadi.