Bugungi g‘alabadan so‘ng shaxmatchilarimiz birinchi o‘ringa ko‘tarildi!

Chennaydagi Butunjahon shaxmat Olimpiadasining 9 ta turi ortda qoldi.

Bugun O‘zbekiston terma jamoasi Armaniston vakillarini mag‘lubiyatga uchratdi va ochkolar sonini 16 taga yetkazib oldi. Bu orqali vakillarimiz umumjamoa hisobida birinchi o‘ringa ko‘tarilib olishdi.

Bugun o‘tkazilgan 9-tur o‘yinida O‘zbekiston erkaklar terma jamoasi Armanistonni 3:1 hisobida mag‘lubiyatga uchratdi. Qizlarimiz esa Isroilga 1,5:2,5 hisobida yutqazib qo‘yishdi.

Ertangi raqibimiz birozdan so‘ng tashlanadigan avtomatik qur’adan keyin aniq bo‘ladi.