British Airways Xitoy poytaxtiga parvozlarni bir yilga to‘xtatdi

British Airways 26-oktabrdan Pekinga parvozlarni to‘xtatadi. Parvozlarni to‘xtatib turish 2025 yilning noyabrigacha davom etadi. Bu haqda Reuters xabar bermoqda. Hech qanday sabablar keltirilmagan.

Aviakompaniya, shuningdek, Shanxay va Gonkongga kunlik reyslarni davom ettirishini aytdi.

Evropa va Britaniya aviatashuvchilari Rossiya havo hududi orqali Osiyoga ucha olmayapti, shu sababli parvoz vaqtlari bir necha soatga ko‘paymoqda. Bu havo qatnovini qimmatroq va yo‘lovchilar uchun kamroq jozibador qiladi.