Bollivud yulduzlari Salmon va Shohrux Xon o‘lim bilan tahdid qilinmoqda

Hindiston ommaviy axborot vositalarining xabar berishicha, aktyor Salmon Xonga Lourens Bishnoy jinoiy to‘dasi a’zosi tomonidan yana bir o‘lim tahdidi yuborilgan. Shu hafta boshida Shohruxxonga ham bunday tahdid qilingan edi.

Bollivud yulduzi Salmon Xonga payshanba kuni o‘lim tahdidi qilindi, dedi rasmiylar. Qo‘ng‘iroq qilgan shaxs noma’lum, biroq tahdid Lourens Bishnoy boshchiligidagi jinoiy to‘da tomonidan bo‘lgan, dedi aktyor istiqomat qiluvchi Hindiston g‘arbidagi Mumbay shahri polisiyasi.

Qo‘ng‘iroq qilgan shaxs 58 yoshli aktyordan 50 million hind rupiysi (taxminan 550 ming yevro, 592 600 dollar) talab qilgan. Rasmiylar tergov davom etayotganini aytdi.

Hindistonda avval qidiruvda bo‘lgan Bishnoy 2015 yildan beri panjara ortida qolmoqda. Shunga qaramay, tergovchilar u butun Hindiston bo‘ylab tovlamachilik, giyohvand moddalar va qurol-yarog‘ kontrabandasi va qotillik bilan shug‘ullanuvchi bir necha a’zolaridan iborat jinoiy to‘dani boshqarayotganiga ishonishadi.

2018 yilda Bishnoy Salmonga Bishnoy jamoasi uchun muqaddas bo‘lgan ikkita qora antilopani ovlaganlikda ayblagan.

U o‘tgan oy Salmonga yaqin bo‘lgan Mumbaylik siyosatchi Baba Siddiqning o‘ldirilishi ortidagi tashkilotchi ekanligiga ishoniladi.

Shohruxxonga ham tahdid qilingan

Yana bir Bollivud yulduzi Shohrux Xon ham seshanba kuni tahdid qilinib, 5 million hind rupiyasini to‘lash talab qilingan. Qo‘ng‘iroq qilgan shaxs o‘zini «Hindistonlik» deb tanishtirib, agar to‘lov qilmasa, Shohrux Xonni o‘ldirishini aytgan.

Hindustan Times xabariga ko‘ra, qo‘ng‘iroq qilgan shaxsda aktyorning raqami bo‘lmagan va uning o‘rniga aktyorning manziliga yaqin mahalliy Bandra polisiya bo‘limiga qo‘ng‘iroq qilgan.

Ikki xonning qarindoshligi yo‘q.