Boks. Strandja. Umumjamoa hisobida O‘zbekiston 2-o‘rinni egalladi

22 fevraldan 3 martgacha Bolgariyaning Sofiya shahri an’anaviy 76 “Strandja” xalqaro turniriga mezbonlik qildi. Ushbu musobaqada To‘lqin Qilichev boshchiligidagi faqatgina erkaklar terma jamoamiz ishtirok etdi.

Yakunlarga ko‘ra yigitlarimiz musobaqani 5 ta oltin, 1 kumush va 2 ta bronza medali bilan yakunladilar. Erkaklar o‘rtasida umumjamoa hisobida Qozog‘iston birinchi, vakillarimiz esa ikkinchi o‘rinni egallashdi.

Eslatib o‘tamiz, ushbu xalqaro turnirda Qozog‘iston terma jamoasi 26 nafar bokschi bilan, biznikilar esa 17 ta bokschi bilan ishtirok etishdi. Bilasizki, Asadxo‘ja Mo‘ydinxo‘jayevning jarohati, Abdumalik Xalokovning prof boksdagi jangi borligi sababli ishtirok eta olmaganligi ham natijaga biroz ta’sir qildi.

G‘olib va sovrindorlarimiz bilan tanishing:

Oltin medal:
-54 kg: Shahzod Muzaffarov
-57 kg: Xo‘janazar Nortojiyev
-80 kg: Fazliddin Erkinboyev
-92 kg: To‘rabek Xabibullayev
+92 kg: Jahongir Zokirov

Kumush medal:
-48 kg: Behruz Xoldorov

Bronza medal:
-51 kg: Asilbek Jalilov
-75 kg: Javohir Ummataliyev

Murabbiylar: To‘lqin Qilichev, Akmal Hasanov, Davron Gafurov, Ramzjon Ahmedov, Nodir G‘ulomov, Alimardon Dostanov, Botirjon Mahmudov, Mansur Muqimov.

Boks bo‘yicha kichik jahon chempionatining medallar jadvali (erkaklar):

1. Qozog‘iston — 5-9-4 (18)
2. O‘zbekiston — 5-1-2 (8)
3. Bolgariya — 2-0-3 (5)
4. Turkiya — 1-0-0 (1)
5. Ozarbayjon — 0-2-2 (4)
6. Gresiya — 0-1-0 (1)
7. Irlandiya — 0-0-4 (4)
8. Kosovo — 0-0-2 (2)
8. Gruziya — 0-0-2 (2)
8. Angliya — 0-0-2 (2)
11. Fransiya — 0-0-1 (1)
11. Italiya — 0-0-1 (1)
11. Isroil — 0-0-1 (1)
11. Avstriya — 0-0-1 (1)
11. Xitoy — 0-0-1 (1)