BAAda yangi oltin bilan ta’minlangan kriptovalyuta yaratildi

Golden M Groupning e’lon qilishicha, Coin M Yaqin Sharqdagi ilk bu turdagi valyutadir.

Oltin bilan ta’minlangan va shar’iy halol kriptovalyuta 2019 yilning oxirida BAA bozoriga chiqariladi.

Boshlang‘ich narxi 100 $dan boshlanadigan bu valyuta investorlar uchun daromadning barcha darajalarini qamrab oladigan va ochiq ma’lumotlar bilan ta’minlangan bo‘ladi.

Golden M Groupning asoschisi va bosh direktori Mustafo Motivalaning fikricha: «Coin Mning taqdim qilinishi, shak-shubhasiz, global bozorga o‘z ta’sirini ko‘rsatadi. U ishchi sinf vakillariga pullarini oltin bilan ta’minlangan hamda shar’iy halol bo‘lgan pulga investisiya kiritish imkonini beradi».