AQSh Ukrainaning “Shimoliy oqim”ga putur yetkazish rejalari haqida bir necha oy oldin bilgan
The Washington Post nashrining yozishicha, AQSh Ukrainaning “Shimoliy oqim”ga putur yetkazish rejalari haqida bir necha oy oldin bilgan.
Nashr Markaziy razvedka boshqarmasining tarmoqqa kirgan hujjatlariga (ularning haqiqiyligi tasdiqlanmagan) tayanib, Bayden ma’muriyati bu ma’lumotlarni 2022-yil iyun oyida Yevropa razvedkasidan olganini yozadi. Ulardan Ukraina harbiylari bir guruh g‘avvoslarni jalb qilgan holda gaz quvurlarini portlatishni rejalashtirgani ma’lum bo‘ldi.
Bu xabar Ukrainadagi manba ma’lumotlariga asoslanib yozildi, deb yozadi gazeta. Shu bilan birga, Vashington o‘sha paytda yaqinlashib kelayotgan sabotaj haqidagi ma’lumotni tasdiqlay olmadi. Shunga qaramay, Markaziy razvedka boshqarmasi hisobotni Germaniya va boshqa Yevropa davlatlari bilan bo‘lishdi.
Shimoliy oqimdagi portlashlar 2022-yil 26-sentyabrda sodir bo‘lgan. Keyinchalik amerikalik jurnalist Seymur Xersh tergov o‘tkazdi. U Qo‘shma Shtatlar gaz quvurlarini buzishni sodir etgan degan xulosaga keldi.
