Aksariyat isroilliklar G‘azodagi zo‘ravonlikni oqlamoqda

IYErusalimdagi Yahudiy universiteti o‘tkazgan so‘rov natijalari Isroil jamiyatida radikal kayfiyatlar kuchayib borayotganini ko‘rsatmoqda.

So‘rov natijasiga ko‘ra, isroilliklarning 64% «G‘azoda birorta ham begunoh odam yo‘q» degan fikrni qo‘llab-quvvatlagan. Shu bilan birga, Isroil fuqaroligiga ega falastinliklarning 92% bu fikrga qarshiligini bildirgan. Bu esa asosan yahudiy isroilliklar orasida ushbu shiorni qo‘llov darajasi juda yuqori ekanini anglatadi.

Siyosiy qarashlarga ko‘ra tahlil:

• Hukumat tarafdorlari orasida — 87%

• Koalisiyada bo‘lmagan o‘ng partiyalar (masalan, Avigdor Liberman partiyasi) — 73%

• Sentristlar — 63%

• Hatto chap qanot partiyalari saylovchilari orasida ham — 30%

Tadqiqot mualliflari ta’kidlashicha, bu kabi fikrlar 2023 yil 7 oktyabridan so‘ng paydo bo‘lmagan. 2018 yiliyoq sobiq mudofaa vaziri Avigdor Liberman «G‘azoda birorta ham begunoh yo‘q» deb ochiq bayonot bergan edi.

2023 yil oktyabrda Isroil prezidenti Ishak Gersog ham shunday fikr bildirgan — u «butun millat javobgar» ekanini va «oddiy aholi hech narsadan xabardor emas va qatnashmaydi» degan fikr haqiqatga to‘g‘ri kelmasligini aytgan. Bu so‘zlar keyinchalik BMT Xalqaro sudida JARning Isroilga qarshi genosid ayblovi ishida hujjat sifatida taqdim etilgan.

Gersog keyinchalik sudni «qonli to‘hmat» va uning so‘zlarini «burishda» aybladi, ammo jamoatchilik va ekspertlar uning bayonotini bir ma’noli tushundi.

Mualliflar ta’kidlashicha, bu kabi ritorika tasodifiy emas — u har doim sionizm ideologiyasida mavjud bo‘lgan va mustamlakachilik mantiqiga asoslangan.