112 million so‘mlik maishiy texnika buyumlarining noqonuniy aylanmasiga chek qo‘yildi
Bojxona organlari tomonidan tovar-moddiy boyliklarining noqonuniy aylanmasiga chek qo‘yish maqsadida tizimli ishlar olib borilmoqda.
Xususan, Navoiy viloyati bojxona boshqarmasi xodimlari tomonidan boshqa huquqni muhofaza qiluvchi organlar bilan hamkorlikda o‘tkazilgan navbatdagi tezkor tadbir davomida ana shunday huquqbuzarlikka chek qo‘yildi. Bu haqda Davlat bojxona qo‘mitasi axborot xizmati xabar bermoqda
Tezkor tadbir davomida “ISUZI” rusumli yuk avtoulovi to‘xtatilib, ko‘zdan kechirilganida, mazkur avtoulovda hech qanday hujjatlari bo‘lmagan 60 dona televizor va 52 dona changyutgichlar borligi aniqlandi.
Umumiy qiymati 112 million so‘mni tashkil etuvchi ushbu maishiy texnika buyumlari qonunbuzardan ashyoviy dalil sifatida olindi.
Hozirda mazkur holat yuzasidan bojxona organlari tomonidan surishtiruv ishlari olib borilmoqda