Зеленский Трампни “урушни тугатиш режаси”ни ошкор қилишга чақирди

Украина президенти Владимир Зеленский Қўшма Штатларнинг 45-президенти Дональд Трампни мамлакатдаги тинчлик келишуви бўйича ўз қарашларини очиқ айтишга чақирди.

Украина раҳбари тинчлик бўйича таклифларини тинглаш учун Трамп билан учрашишга “потенциал равишда тайёр”лигини билдирган. Зеленский можарога барҳам беришга қаратилган ҳар қандай режа мамлакат суверенитетини бузмаслиги кераклигини таъкидлаган.

Агар Дональд Трамп бу урушни қандай тугатишни билса, у бу ҳақда бугун айтиши керак, — дейди Зеленский.

Зеленский агар Украина мустақиллиги учун хавф мавжуд бўлса, мамлакат бунга тайёр бўлиши кераклигини айтган. У Украина ноябрь ойида АҚШ томонидан қўллаб-қувватланадими ёки бутунлай ёлғиз қоладими, тушунишни исташини қўшимча қилган.

Аввалроқ Трамп агар ҳокимиятда қолса, Украинадаги можарони 24 соат ичида ҳал қила олишини бир неча бор айтган эди. Bloomberg’га кўра, агар Трамп бу йилги сайловларда ғалаба қозонса, у Киевни Москва билан музокара олиб боришга мажбур қилади.