Роналду Евро ва ЖЧда илк марта гол ура олмади

Португалия терма жамоаси ҳужумчиси Криштиану Роналду бу галги Европа чемпионатини голсиз тарк этди. 39 ёшли форвард Германия яшил майдонларида 5 та ўйинда майдонга тушиб, рақиблар дарвозасига йўл топа олмади.

Аммо Киштиану ўйиндан кейинги пенальтилар сериясида 2 марта гол уришга муваффақ бўлди. Португалия нимчорак финалда Словения устидан пенальтилар серияси орқали ғалаба қозонган бўлса, чорак финалда Францияга имкониятни бой берди.

Роналду терма жамоаси 2004 йилдан бошлаб 5 мартадан Европа ва жаҳон чемпионатларида иштирок этиб, уларнинг ҳар бирида гол уриб келаётганди.