Залужний 10 июлдан янги лавозимда иш бошлайди
Украина Қуролли кучлари собиқ бош қўмондони Валерий Залужний 10 июлдан бошлаб Украинанинг Буюк Британиядаги элчиси сифатида иш бошлайди. Бу ҳақда Украинанинг Суспилне ахборот портали дипломатик доиралардаги манбаларига таяниб хабар берди.
Аввалроқ манбалар Залужний аллақачон Буюк Британияга жўнаб кетгани ва тез орада ўз вазифаларини бажаришга киришиши ҳақида хабар берган эди.
9 май куни Украина президенти Владимир Зеленский Украина Қуролли кучларининг собиқ бош қўмондони Залужнийни Украинанинг Буюк Британиядаги элчиси этиб тайинлади. Бу ҳақда Украина президентининг президент сайтида чоп этилган 316/2024-сон қарорида айтилган.
Июнь ойи бошида Украина ташқи ишлар вазири Дмитрий Кулеба Залужнийнинг дипломатик ишга тайёрланиши «марранинг охирида» эканини айтди.
Эслатиб ўтамиз, аввалроқ, 8 февраль куни Украина президенти Залужнийни ҳарбий хизматдан бўшатиш тўғрисидаги фармонни имзолаган эди.
