Хитой Тайван билан тинч йўл билан бирлашиш тарафдори, аммо куч ишлатишни истисно қилмайди

Хитой мудофаа вазири Ли Шанфу мамлакат материкни Тайван билан тинч йўл билан бирлаштириш тарафдори эканини айтди, бироқ Пекин керак бўлса, куч ишлатишни истисно қилмайди.

Бу ҳақда у Сингапурда бўлиб ўтган "Shangri-La Dialogue" хавфсизлик анжуманида айтиб ўтди.

“Хитой қайта бирлашиши керак ва бўлади. Бу халқнинг интилишлари ва замонамиз тенденциясига мос келади. Биз тинч йўл билан бирлашиш истиқболлари учун чин дилдан интиламиз ва бунинг учун бор куч-ғайратимизни сарфлаймиз, бироқ куч ишлатишдан воз кечишга ваъда бермаймиз”, — деди Ли Шанфу.

Агар кимдир Тайванни Хитойдан ажратишга журъат этса, Хитой армияси бир сония ҳам иккиланмайди, деди вазир.

"Биз душманлардан қўрқмаймиз ва қандай харажат бўлишидан қатъи назар, миллий суверенитет ва ҳудудий яхлитликни қатъий ҳимоя қиламиз", деди у.

Тайван бўғозидаги кескинликнинг асл сабаби Тайпей маъмуриятининг четдан ёрдам олишга уринишларидир, деди Ли Шанфу ва баъзи хорижий кучлар Тайван орқали Хитойни тийиб туришга ҳаракат қилмоқда.