Хельсинки Стокгольм билан биргаликда НАТОга қўшилиш тарафдори

Финляндия НАТОга алоҳида эмас, Швеция билан бирга киришга интилмоқда. Бу ҳақда Финляндия ташқи ишлар вазири Пекка Хаависто Туркия президенти Ражаб Тоййиб Эрдўғоннинг Скандинавиядаги икки давлатнинг ҳарбий-сиёсий блокка қўшилиш ҳақидаги аризалари Анқара томонидан алоҳида кўриб чиқилишини истисно этмаган баёнотларини изоҳлар экан, айтиб ўтди.

“Президент Эрдўғоннинг нутқидан биз Туркиянинг Финляндиянинг НАТОга аъзо бўлиш жараёнини тезлаштиришга қаратилган қарашлари бор деган хулосага келдик”, деди душанба куни дипломатия раҳбари.

Унинг сўзларига кўра, шунга қарамай, Финляндия Швеция билан бирга НАТОга аъзо бўлишга интилмоқда.

Хаавистонинг фикрича, Хельсинки ва Стокгольм сўнгги 10 ой ичида Альянсга қўшилиш йўлида ижобий қадамлар ташлаган. “Швеция мудофаа ва ташқи сиёсат соҳасидаги энг яқин иттифоқдошимиздир”, деб эслади у.

Финляндия дипломатининг ишончи комилки, Финляндия ва Швециянинг аъзолиги маъқулланиши НАТОга аъзо барча мамлакатларга фойда келтиради.

Вазир, шунингдек, Туркия Президентининг баёнотидан сўнг Туркиядан ҳамкасблари Мевлут Чавушўғли ва Швециядан Тобиас Билстрём билан маслаҳатлашувлар ўтказганини айтди.

Хельсинки Туркиянинг Финляндиянинг НАТОга аъзолик аризасини маъқуллашини қанча кутишга тайёрлиги ҳақидаги саволга Хаависто шундай жавоб берди: “Биз бу масалага сабр қиламиз. Бизга хавфсизлик соҳасида мажбуриятлар берилди. Албатта, улар НАТО Низомининг 5-моддаси билан бир хил эмас, лекин улар биз учун жуда муҳим”, - дея тушунтирди у.