Туркияда 2,8 минг йиллик сув омбори қайта тикланди
![Туркияда 2,8 минг йиллик сув омбори қайта тикланди Туркияда 2,8 минг йиллик сув омбори қайта тикланди](/photos/news/naRCAaLlsW0QpCP.jpeg)
Туркияда қарийб 2800 йил бўлган Урарту подшолиги давридаги сув омборини қайта тиклаш ишлари якунланди.
Артефакт Шарқий Анадолу минтақасидаги Харпут қалъасида топилган.
Харпутдаги археологик ишлар раҳбари Исмоил Айтачнинг Анадолу агентлигига маълум қилишича, у эрга кириш йўли қурилганидан кейин ташриф буюрувчилар учун очиқ бўлади.
Тош ёйилган сув омборига олиб борадиган 52 зинапоя бор. Унинг диаметри тахминан 4,5 метр ва чуқурлиги 30 метрни ташкил қилади.
«Бу сув омбори Туркиядаги табиий қояларга ўйилган энг катта сув омборидир. Ундаги сув тугагач, озиқ-овқат сақлаш учун ишлатилган», - дейди Исмоил Айтач.
Тарихий Ҳарпут тумани ЮНEСКОнинг Бутунжаҳон мероси объектлари тахминий рўйхатига киритилган. Бу ердаги биринчи аҳоли пунктларининг излари милоддан аввалги 3000 йилга тўғри келади.
Харпут ҳудудида археологик қазишмалар ва реставрация ишлари 2004 йилда бошланган.
Илгари Харпутда Урарту даврига оид 112 босқичли сув омбори қайта тикланган. Тарихий жой 2021 йилда сайёҳлар учун очилган.
Айтач Харпут қалъасидаги қояларга ўйилган йирик сув ҳавзалари тарих ва туризм нуқтаи назаридан аҳамиятли иншоотлар эканлигини таъкидлади.
Агентлик суҳбатдошининг таъкидлашича, қалъада кичикроқ танклар кўп, лекин зинапояли иккита катта танк бор.
Салжуқийлар даврида улардан бири салибчилар подшоси сақланадиган зиндон сифатида фойдаланилган.