Трамп ва Байденнинг биринчи "жанжали" якунланди
AҚШдаги 2020 йилги сайловлар олдидан биринчи президентлик баҳслари Огайо штатининг Кливленд шаҳрида бўлиб ўтди ва 96 дақиқа давом этди. Оғзаки дуэлни 100 миллионга яқин америкалик томоша қилди.
Aмалдаги республикачи президент Дональд Трамп ва унинг рақиби Жо Байден ибораларда уялишмади ва бир-бирларига энг долзарб масалалар бўйича ўз фикрларини аниқ ифода этишларига йўл қўймадилар.
Муҳокамани Fox News телеканали бошловчиси Крис Уоллес олиб борди. Умуман олганда, Трамп ўзининг сайловолди митингларида гапирганга ўхшарди. Бошқа томондан, Байден ўзининг "уйқучи Жоу" тахаллусидан фарқли ўлароқ, муносиб ва жасоратли жавоб қайтарди.
Case Western Reserve университетида номзодлар коронавирус пандемияси ва тиббий ислоҳотларни, шунингдек Қўшма Штатлардаги тартибсизликлар ва ирқий камситиш муаммосини муҳокама қилдилар.
Таъкидланишича, тортишувдан олдин Трамп ва Байден қўл бериб кўришмаган ва дарҳол трибуналар орқасидаги жойларини эгаллашган. Мезбон Крис Уоллес коронавирус пандемияси билан боғлиқ ҳолда олдиндан келишиб олганликларини тушунтирди.
Aввалроқ, дебатлар пайтида Байден мамлакатнинг амалдаги президенти Трампни "Путиннинг кучукчаси" деб атагани ҳақида хабар берган эдик. Бундан ташқари, томонлар тиббий суғурта масаласида жанжаллашишган.
Эслатиб ўтамиз, AҚШда президент сайловлари 3 ноябрга белгиланган.
