Трамп "Мен сиёсатчи эмасман!.."

АҚШ президенти Дональд Трамп ўзини сиёсатчи деб ҳисобламайди, чунки ҳокимиятнинг одатдаги вакилларидан фарқ қилади. У бундай баёнотни "Твиттер!да жойлаштирган.   

“Менинг баёнотларим Вашингтондаги сиёсатчиларнинг нутқларига ўхшамайди, чунки мен сиёсатчи эмасман. Мен ҳар доим ҳам Вашингтондаги сиёсий доиралар қоидалари бўйича ўйнамайман, чунки мен ўзимгача бўлган ҳар кимдан кўра сиз [сайловчилар] учун кучлироқ курашишга сайланганман”, – деб ёзган Трамп.

Таъкидланишича, АҚШ президенти вақтининг катта қисмини Пенсильвания, Флорида ва Шимолий Каролинада ўтказиши кутилмоқда.