Тошкент ИҲТ давлатларини ҳаракатларни бирлаштиришга чорлади

Бу “глобал кескинлик шароитида” долзарбдир, деди Ўзбекистон ташқи ишлар вазири вазифасини бажарувчи Бахтиёр Саидов Тошкентда бўлиб ўтган ташкилот Ташқи ишлар вазирлари Кенгаши йиғилишида.

“Глобал кескинлик ва ресурслар, инвестициялар, технологиялар ва ташқи бозорларга чиқиш учун рақобат кучайиб бораётган бир шароитда саъй-ҳаракатларимизни бирлаштириш алоҳида аҳамият касб этади”, деди Ўзбекистон ТИВ раҳбари.

Бундан ташқари, унинг таъкидлашича, ташкилот савдо, транспорт инфратузилмаси, саноат кооперацияси, туризм, шунингдек, атроф-муҳитни муҳофаза қилиш учун зарур салоҳиятга эга.