Си Тожикистон билан дипломатияни фаоллаштириш ниятида

Хитой раҳбари Си Цзиньпин Душанбега ташрифи чоғида Тожикистон ҳудудий яхлитлигини қўллаб-қувватлашини маълум қилди. AFPнинг таъкидлашича, қўшни давлатга «камдан-кам ташриф» чоғида Хитой раҳбари Пекиннинг Тожикистон билан кенг қамровли дипломатик муносабатларни фаоллаштириш ниятида эканлигини маълум қилган.

Си Цзиньпин Душанбега Қозоғистондан келди ва у ерда Шанхай ҳамкорлик ташкилоти (ШҲТ) саммитида иштирок этди.

Марказий Осиё мамлакатлари Хитой томонидан 2013 йилда Хитой раҳбарияти ташаббуси билан бошланган «Бир белбоғ, бир йўл» ташқи сиёсий ва иқтисодий лойиҳасининг муҳим қисми сифатида қаралмоқда.