Россия Федерацияси ва АҚШ ўртасидаги савдо айланмаси май ойида 1,5 баробар ошди

Россия ва АҚШ ўртасидаги савдо айланмаси май ойида апрель ойига нисбатан 1,5 баробар ошиб, 487 миллион долларни ташкил этди.

Бу ҳақда Америка статистика хизмати маълумотларига таяниб, «РИА Новости» хабар бермоқда.

Қайд этилишича, бу ўтган йилнинг май ойидан буён максимал савдо айланмаси ҳисобланади.

Шундай қилиб, баҳор охирида Россия экспорти 47 фоизга ўсди - 439 миллион долларга етди. АҚШнинг Россиядан импорт қилинадиган асосий маҳсулоти уран бўлиб, апрель ойида паузадан кейин яна сотиб олинди - у 209,5 миллион долларга сотиб олинди.