Конгода кема ағдарилиши оқибатида 120дан ортиқ киши ҳалок бўлди
Конго Демократик Республикаси шарқидаги Киву кўлида кеманинг ағдарилиши оқибатида камида 126 киши ҳалок бўлди. Бу ҳақда ТАCC "БелТА" агентлигига таяниб хабар берди.
Маълум қилинишича, кема бортида жами 450 киши бўлган. Улардан 45 нафари қутқариб қолинган. Қолганларни қидириш ишлари давом этаётгани айтилди.
Кема 3 октябрь куни Гома портига яқинлашаётганда ағдарилиб кетган. Унда озиқ-овқат маҳсулотларини ташийдиган савдогарлар бўлган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
