Россия энергия ресурсларига қарамликдан чиқиб кетиш ЕИнинг кўплаб мамлакатлари учун қийинчиликлар туғдирмоқда
Европа Иттифоқи ташқи сиёсат хизмати раҳбари Жозеп Боррелнинг таъкидлашича, Россиядан энергия ресурсларига қарамликдан тезда чиқиб кетиш Европа Иттифоқининг кўплаб мамлакатлари ва фаолиятнинг турли соҳалари учун жиддий қийинчиликлар туғдирмоқда
"2022 йил охирига қадар биз Россия нефти импортини 90 фоизга қисқартирамиз, ҳозир эса газ импортини жадал суръатда камайтирмоқдамиз. Бу қарорлар бизни узоқ вақтдан бери сиёсий танловларимизга таъсир қилган қарамликдан аста-секин халос қилмоқда", - деди у интервьюда.
"Россия энергетикасига қарамликдан тез чиқиб кетиш Европа Иттифоқининг кўплаб мамлакатлари ва фаолиятнинг турли соҳалари учун ҳам жиддий қийинчиликлар туғдирмоқда. Аммо бу бизнинг демократиямиз ва халқаро ҳуқуқимизни ҳимоя қилиш учун тўлашимиз керак бўлган товон ва биз бу муаммоларни ҳамжиҳатликда ҳал қилиш учун зарур чораларни кўрмоқдамиз”.
