«Реал» Беллингҳэмнинг қизил карточкаси бўйича апелляция берди

«Реал» яримҳимоячиси Жуд Беллингҳэм Ла Лига 27-туридан ўрин олган «Валенсия»га (2:2) қарши ўйин тугагач, қизил карточка олди.

Қўшиб берилган дақиқаларда бош ҳакам Хесус Хил Мансано Мадрид клубининг ҳужуми якунланишини кутмай, финал ҳуштагини чалди ва бундан 2 сония ўтиб, англиялик футболчи гол урди. Голи инобатга олинмаганидан норози бўлган Жуд ҳакамга эътирозларини билдириб, «Шармандалик! Тўп аллақачон ҳавода эди. Нима қиляпсан?» деди ва унга қизил карточка кўрсатилди.

Relevo va COPA нашрларининг ёзишича, «Реал» Беллингҳэмнинг карточкаси юзасидан апелляция берди.