Расмийлар Курск вилоятини тарк этганларга 15 минг рубль миқдорида тўловларни ваъда қилди
![Расмийлар Курск вилоятини тарк этганларга 15 минг рубль миқдорида тўловларни ваъда қилди Расмийлар Курск вилоятини тарк этганларга 15 минг рубль миқдорида тўловларни ваъда қилди](/photos/news/DAnwkNnSCa7kEsE.jpeg)
Курск вилоятининг чегара ҳудудларини 133 мингдан ортиқ киши тарк этди. Расмийлар уларга 15 минг рубль миқдорида тўловларни ваъда қилишдия.
Украина қуролли кучларининг Курск вилоятига бостириб кириши бошланганидан кейин 133 мингдан ортиқ одам минтақанинг чегара ҳудудларини тарк этди, деди губернатор вазифасини бажарувчи Алексей Смирнов президент Владимир Путин билан учрашувда. Вилоят ҳокимияти маълумотларига кўра, чегара ҳудудларида 19 мингдан ортиқ аҳоли қолмоқда. Ҳаммаси бўлиб, саккизта туман Курск вилоятидаги кўчириш зонасига тушди.
Путин пайшанба куни Курск, Белгород ва Брянск вилоятларидаги вазият бўйича губернаторлар ва федерал вазирлар иштирокида видеобоғланиш орқали йиғилиш ўтказди.
Ушбу йиғилишда Смирнов федерал фавқулодда ҳолат режими жорий этилиши муносабати билан жанговар ҳудудни тарк этган Курск вилояти аҳолиси учун 15 минг рубль (тахминан 160 АҚШ доллари) миқдорида «автоматик тўлов» жорий этишни таклиф қилди. Россия президенти тўлов бўйича таклифни қўллаб-қувватлади.
Бош вазирнинг биринчи ўринбосари Денис Мантуров йиғилишда ҳукумат фавқулодда вазиятлардан жабрланганларга тўловлар учун қўшимча равишда 1,5 миллиард рублдан ортиқ маблағ ажратишини айтди.
Курскнинг ўзида улар темир-бетон бошпаналарни ўрнатишни бошладилар ва уларни минтақанинг яна иккита шаҳрида: Курск АЭС ходимлари яшайдиган Железногорск ва Курчатовда ўрнатиш режалаштирилган.