Қирғизистонда янги муфтий сайланди

Кеча Қирғизистон мусулмонлари қурултойи бўлиб ўтди, унда Қирғизистоннинг янги Олий муфтийи сайланди.

Ушбу лавозимга тўққиз киши номзоди қўйилган бўлиб, бу номзодлар ичидан Замир Ракиев мамлакат олий муфтийси этиб сайланган. Бу ҳақда Қирғизистон мусулмонлари диний идораси матбуот хизмати хабар бермоқда. Янги сайланган Замир Ракиев бир неча йил собиқ муфтийнинг ўринбосари бўлиб ишлаган.

Аввалроқ, муфтий лавозимига сайловлар ўтказиладиган кун эпидемиологик вазият сабабли қолдирилган эди.