"Путин Европада тинчликнинг сўнгги устунларини йўқ қилди" — Германия Федерал президенти Франк-Валтер Штайнмаеp

У Россиянинг Украинага бостириб киришини “Темир парда” қулагандан кейинги энг даҳшатли инқироз деб атади ва дунёни янги можароларга тайёрланишга чақирди.

Унинг сўзларига кўра, СССРнинг сўнгги президенти Михаил Горбачёв айтган “умумий Европа уйи” харобага айланган.

"Ҳамкорлик хавфсизлиги ғояси тарихга кирди. Европанинг сиёсий харитаси ўзгарди ва бундан кейин ҳам ўзгаради. Кам эмас, балки кўпроқ ташқи сиёсат керак, ҳамфикрлар ўртасида кўпроқ ҳамкорлик қилиш керак", дейди Штайнмаер Берлинда G7 парламентлари раҳбарлари билан учрашувда.