Нидерландия билан ўйин олдидан Франция яна бир жиддий йўқотишга учраши мумкин

Нидерландия билан ўйин олдидан Франция яна бир жиддий йўқотишга учраши мумкин

Аввалроқ бурнини синдириб олган Килиан Мбаппенинг мазкур ўйинда қатнашмаслиги айтилганди.

Мадриднинг “Реал” клуби ва Франция терма жамоаси ярим ҳимоячиси Эдуардо Камавинга Евро-2024 доирасидаги Нидерландияга қарши ўйинни ўтказиб юбориши мумкин.

Манбанинг хабарига кўра, 21 ёшли футболчи машғулот вақтида мушакларида ноқулайлик ҳис қилган.

Тафсилотлар ҳозирча ошкор этилмаган. Эслатиб ўтамиз, 2024 йилги Европа чемпионатининг 1-турида Франция терма жамоаси Австрияни минимал 1:0 ҳисобида мағлуб этганди. Франциянинг иккинчи турдаги рақиби Нидерландия терма жамоаси бўлади.

Учрашув 22 июнь куни Тошкент вақти билан соат 00:00 да бошланади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!