Мирзиёев: "Президентнинг жамоасида ишлаган одам ё аравани тортади, ёки кетади"

Ўзбекистонда хизмат кўрсатиш соҳаси ривожи учун 500 миллион доллар ажратилади. Бу ҳақда Президент раислигида ўтказилаётган видеоселектор йиғилишида маълум қилинди.

«Бу жуда катта маблағ. Пулни мақсадли ва режали сарфлаш лозим. Ҳокимлар, ўз устингизда ишлашни билмайсиз. Президентнинг жамоасида ишлаган одам ё аравани тортади ёки кетади. Бу ҳам мардлик!» — деди Шавкат Мирзиёев.

Давлат раҳбари хизмат кўрсатишга ажратиладиган маблағ қайси соҳаларга йўналтирилиши ҳақида маълумот берди:

«Туман ва шаҳарларнинг маблағлардан самарали фойдаланишига қараб, 1 сентябрдан кейинги 150 миллион долларни ажратамиз.

Бундан ташқари, Мирсоатов (Миллий банк) 28 та йирик ва ўрта шаҳарларда туризм, транспорт, тиббиёт, таълим объектлари, йирик савдо комплексларини ташкил этиш учун, шу йилнинг ўзида қўшимча 200 миллион доллар маблағ жалб қилади.

Демак, бюджетдан ва банклар томонидан қўшимча ажратиладиган маблағ жами 500 миллион доллар ёки 5,5 триллион сўмни ташкил этади, — деди Президент.