Мексика президенти кортежи аварияга учради, бир киши ҳалок бўлди

Мексика президенти кортежи 14 июнь куни ҳалокатга учраган, бунинг оқибатида бир киши ҳалок бўлган. Бу ҳақда Reuters нашри Мексика президенти маъмурияти тарқатган хабарга асосланиб, хабар берди.

Мексиканинг яқинда сайланган президенти Клаудия Шейнбаум ҳодиса оқибатида шикастланмаган. Ҳалокат оқибатида бир киши ҳалок бўлган ва бир неча киши жароҳатланган.

Ҳалокат Коаҳуила штати шимолидаги Монклова ҳудудида содир бўлган. Президент кортежи ҳалокатга учраган жойга зудлик билан тез ёрдам ҳамда қутқарув гуруҳлари жўнаб кетган.

“Биз президент кортежидаги автомобилда бир киши ҳалок бўлганидан чуқур афсусдамиз”, — дея қисқа баёнот эълон қилган Мексика президенти Клаудия Шейнбаум идораси ҳодиса юзасидан муносабат билдириб.

Президент маъмурияти ҳам, тегишли идоралар ҳам ҳалокат нимадан келиб чиққани ҳақида маълум қилмаган. Президент хавфсизлик хизмати давлат раҳбарига эҳтимолий суиқасд юзасидан ходимларни текширишини билдирган.

Маълумот ўрнида, Мексика сайлов раҳбариятининг 8 июнь куни эълон қилган натижаларига мувофиқ Клаудия Шейнбаум президентликка тайинланган эди. Аёл кишининг раҳбарликка тайинланиши Мексика учун жуда катта янгилик ҳисобланган. Чунки мамлакат дунёда энг сўнггилардан бўлиб, 1953 йилда аёлларга сайлов ҳуқуқи берган. Вилоят раҳбариятларига ҳам аёллардан номзод тайинланиши умуман кузатилмаган.